Sera ya Faragha
Jinsi tunavyokusanya, kutumia na kulinda taarifa zako.
1. Kuhusu sera hii
Sera hii inaeleza jinsi Biashara Sauti ("sisi") inavyokusanya, kutumia na kulinda taarifa binafsi unapotumia Biashara Sauti. Sisi ndio wadhibiti wa taarifa za akaunti yako, na tunashughulikia taarifa za biashara yako kwa niaba yako. Tunafuata Sheria ya Ulinzi wa Taarifa Binafsi ya Tanzania ya mwaka 2022.
2. Taarifa tunazokusanya
- Akaunti: jina lako, namba ya simu na nenosiri (tunahifadhi nenosiri likiwa limefichwa kwa njia isiyoweza kurudishwa). Namba za uthibitisho za SMS pia zinahifadhiwa zikiwa zimefichwa.
- Rekodi za biashara unazoweka: jina na mahali pa biashara, bidhaa, bei, mauzo, stoo, matumizi, madeni, majina na namba za wafanyakazi na kazi zao.
- Taarifa za wateja wako unazochagua kuweka, kama majina na namba zao kwa madeni au oda.
- Malipo yako kwetu: kifurushi, kiasi, namba iliyolipa, mtandao na namba ya muamala.
- Taarifa za kiufundi: aina ya kifaa, anwani ya IP, vifaa vilivyounganishwa na akaunti, saa za kuingia, na kumbukumbu za usalama.
- Mawasiliano: unachotuambia kwa simu, SMS au WhatsApp.
3. Tunazitumia kwa nini
- Kukupa huduma: kuhifadhi rekodi zako, kuonyesha ripoti na ushauri, na kusawazisha app.
- Kulinda akaunti yako: namba za SMS, kuunganisha vifaa, kuzuia majaribio mengi ya kuingia.
- Malipo: kuthibitisha malipo, kuwasha vifurushi, na kukutumia vikumbusho kwa SMS.
- Msaada: kukujibu unapotuandikia au kutupigia.
- Kuboresha huduma kwa takwimu za jumla zisizomtaja mtu.
- Kutimiza wajibu wa kisheria.
Tunafanya hivi kwa sababu ni muhimu kutekeleza makubaliano yetu nawe (Masharti ya Huduma), kwa maslahi halali kama usalama, kwa wajibu wa kisheria, au kwa ridhaa yako pale tunapoiomba.
4. Taarifa za wateja wako
Ukiweka taarifa za wateja au wafanyakazi wako, wewe ndiye unaewajibika kuhakikisha una haki ya kufanya hivyo na kuwajulisha inapohitajika. Tunazishughulikia kwa niaba yako na kwa ajili ya kukupa huduma tu.
6. Wafanyakazi wetu
Wasimamizi wachache wa Biashara Sauti wanaweza kuona taarifa za akaunti na biashara pale inapohitajika kwa msaada, malipo na usalama. Mara wanapofungua taarifa za biashara, inaandikwa kwenye kumbukumbu za usalama.
7. Usalama na mahali zinapohifadhiwa
Taarifa zinahifadhiwa kwenye seva zetu na kusafirishwa kwa njia salama (HTTPS). Nenosiri na namba za SMS zinahifadhiwa zikiwa zimefichwa, ufikiaji wa wasimamizi una mipaka, na tunatunza nakala za ziada (backup). Taarifa zilizo kwenye app ya Android zinakaa pia kwenye simu yako. Hakuna mfumo ulio salama kwa asilimia 100, lakini tunachukua hatua za kuzuia upotevu, matumizi mabaya au kufikiwa bila ruhusa.
8. Tunazihifadhi kwa muda gani
- Rekodi za biashara zinahifadhiwa muda wote kifurushi kikiwa hai. Kifurushi kikiisha, tunazihifadhi siku 90, tunakutumia SMS mbili kabla, kisha zinafutwa kabisa (isipokuwa ukituomba tuzihifadhi).
- Kumbukumbu za malipo kwetu zinahifadhiwa kama kumbukumbu za kifedha kwa muda unaotakiwa kisheria.
- Kumbukumbu za usalama zinahifadhiwa siku 180.
9. Haki zako
Una haki ya kuomba kuona taarifa zako binafsi tulizonazo, kuzirekebisha, kuzifuta, kupinga au kuzuia matumizi fulani, na kuondoa ridhaa uliyotoa. Wasiliana nasi kwa njia zilizo hapa chini; tutakujibu haraka iwezekanavyo, na tunaweza kukuuliza uthibitishe kuwa ni wewe. Pia una haki ya kuwasilisha malalamiko kwa Tume ya Ulinzi wa Taarifa Binafsi (PDPC).
11. Watoto
Huduma ni kwa watu wenye umri wa miaka 18 au zaidi. Hatukusanyi kwa makusudi taarifa za watoto.
12. Mabadiliko ya sera hii
Tukibadilisha sera hii kwa njia muhimu, tutakujulisha ndani ya mfumo au kwa SMS. Tarehe ya toleo la sasa iko juu ya ukurasa huu.
13. Wasiliana nasi
- Biashara Sauti
- WhatsApp: 0764 503 070
- Tovuti: biasharasauti.com